Minna sumarhús Vesturhlíðar

Minna sumarhús Vesturhlíðar er hannað af Bjarka Gunnari Halldórssyni, arkitekt hjá Stúdíó Jæja. Húsið er 104,0 fermetrar og byggir á skýru og hagkvæmu skipulagi þar sem áhersla er lögð á góða rýmisnýtingu og þægilega daglega notkun.

Opið alrými tengir saman eldhús, borðstofu og stofu, en þrjú svefnherbergi í aðskildri álmu skapa sveigjanlega aðstöðu fyrir fjölskyldu eða gesti. Þessi húsgerð hentar vel þeim sem vilja einfaldari og hagkvæmari lausn án þess að fórna notagildi eða svefnaðstöðu. Endanlegt efnisval innandyra er í höndum kaupanda og því gefst gott tækifæri til að móta húsið að eigin smekk og þörfum.